Home အနုပညာ ဟီးရိုး ဇာတ်ကားထဲကနမ်းတဲ့အခန်းတွေ မိန်းမတွေ့သွားမှာကြောက်နေတဲ့ မြင့်မြတ်

ဟီးရိုး ဇာတ်ကားထဲကနမ်းတဲ့အခန်းတွေ မိန်းမတွေ့သွားမှာကြောက်နေတဲ့ မြင့်မြတ်

758
0

မြင့်မြတ်ဟာ သူချစ်တဲ့ကောင်မလေးနဲ့ လက်ထပ်ပြီး သားဦးလေး ဂျင်းကောင်ပေါက်စလေးကိုရထားတာ လပိုင်းသာရှိပါသေးတယ်။ သားလေးနဲ့အမျိုးသမီးကိုမြင့်မြတ်က တုန်နေအောင်ချစ်တာဖြစ်ပြီး သားလေးကိုဆို လွမ်းလွန်းလို့ ရှုတင်ကိုပါခေါ်လာတဲ့ရက်တွေလည်းရှိတယ်လို့သိရပါတယ်။အခုတော့ မကြာသေးမီက အင်တာဗျူးတစ်ခုမှာ မြင့်မြတ်ကမိန်းမနဲ့ပြဿနာတက်ဖို့ရာရှိကြောင်းနဲ့ လက်ရှိအနုပညာလှုပ်ရှားမှုတွေအကြောင်းလည်းပြောပြလာပါတယ်။

မြင့်မြတ်က ဟီးရိုးရုပ်ရှင်ဇာတ်ကားထဲမှာ နမ်းတဲ့အခန်းတွေနဲ့ကုတင်ပေါ်ကအခန်းတွေကိုရိုက်ဖြစ်ခဲ့ပုံကိုအမေးခံရတဲ့အချိန်မှာ “ဟာ.. အဲ့ဒါ အိမ်ကမ်ိန်းမနဲ့ပြဿနာတက်မယ့်မေးခွန်းပဲ”လို့ ရယ်မောရင်းညည်းတွားလာခဲ့ပြီး ရုပ်ရှင်ဇာတ်ဝင်ခန်းအကြောင်းကို “သူက အဲဒါကိုလိုချင်တာလေ။ ဒီလိုပါပဲ။ အမှန်တကယ်ကတော့ မဟုတ်ဘူးပေါ့နော်။ သူကအဲ့လိုဘိမှာ ရဲဝင်ဖမ်းတဲ့အချိန် ဝရုန်းသုန်းကားနဲ့မြင်လိုက်ရတော့ သူ့စိတ်ထဲကထင်တာတွေပေါ့နော်။ အဲ့လိုမျိုးအတွေးလေးပါ။ ရိုက်တာလည်းခဏလေးပါပဲ။ ဒါရိုက်တာခိုင်းလို့လုပ်ရတာပါလို့”ဆိုပြီး ရှင်းပြထားပါတယ်။

မိန်းမက ဒီဇာတ်ဝင်ခန်းကိုတွေ့တော့ ဘယ်လိုမှတ်ချက်ပေးလဲဆိုတော့ “မိန်းမကတော့ မတွေ့သေးဘူးလေ။ သူတွေ့ရင်တော့ ဘာပြောမလဲမသိဘူး”လို့ ဖြေထားပြီး ဝတ်မှုန်ရွှေရည်နဲ့ရိုက်ထားတဲ့ ဟီးရိုးဇာတ်ကားရဲ့ဇာတ်လမ်းအကြောင်းကို “ကျွန်တော်ကလေ ကိုယ့်ရဲ့ဆုံးဖြတ်ချက်တစ်ခုက ကိုယ့်ရဲ့အတ္တတစ်ခုက ဘယ်တော့မှအမှန်မဟုတ်ဘူးဆိုတဲ့ဟာလေးတော့ ကျွန်တော်သွားတွေ့တယ်။ လူတွေက တစ်ထစ်ချဗျာ ကိုယ်လုပ်တာမှအမှန် ကိုယ်ထင်တာအမှန်ဆိုပြီးလုပ်ကြတယ်။ ဒါပေမယ့် သူတို့မသိနိုင်တဲ့အမှန်တရားတွေအများကြီးအများကြီးရှိတယ်။အဲဒီဟာလေးတစ်ခုတော့ ကျွန်တော် Message ရတယ်ပေါ့နော်”လို့ ပြောပြထားပါတယ်။

ဟီးရိုးဇာတ်ကားထဲမှာ ပါဝင်အားဖြည့်ပေးရတဲ့ ကိုလူချောများအဖွဲ့လူကြမ်းတွေကိုလည်း စာနာမိကြောင်း “ကျွန်တော်အသည်းယားတာ ကိုလူချောအဖွဲ့လူကြမ်းတွေကိုအသည်းယားတာဗျ။ ဒါရိုက်တာခိုင်းတာမှန်သမျှကိုမညည်းမညူနဲ့သေချာကြိုးစားပြီးသရုပ်ဆောင်ခဲ့တာ။ နာတယ်ဗျာ ဒဏ်ရာတွေလည်းရတယ်။ ထမင်းဆိုင်မှာရန်ဖြစ်တဲ့ scenes ဆိုရင်လည်း မီးချောင်းတွေကအစအစစ်တွေ အဲ့လိုအကြမ်းပတမ်းအနာခံပြီးဇာတ်ကားကောင်းဖို့အတွက်အကောင်းဆုံးပံ့ပိုးပေးခဲ့ကြတာပါ။ တကယ်လေးစားဖို့ကောင်းပါတယ်”လို့ ရင်ဖွင့်ထားပါတယ်။

ပရိသတ်ကြီးရော မြင့်မြတ်ကိုချစ်ကြလား။မြင့်မြတ်ရဲ့ဇာတ်ကားတွေကိုအားပေးကြလား။ မြင့်မြတ်တစ်ယောက် ဟီးရိုးဇာတ်ကားရုံတင်တဲ့အခါ မိန်းမနဲ့ပြဿနာမတက်ပါစေနဲ့လို့လည်းဆုတောင်းပေးလိုက်ပါတယ်နော်။

Source : Can’t Wait To Say