Home အနုပညာ ကိုယ်ချင်းစာစိတ်ထားနိုင်မှ ပရဟိတလုပ်ပါဆိုတဲ့ ဦးကျော်သူ

ကိုယ်ချင်းစာစိတ်ထားနိုင်မှ ပရဟိတလုပ်ပါဆိုတဲ့ ဦးကျော်သူ

160
0

ပရဟိတဆိုတာကို အမည်ခံပြီး ကိုယ်ချင်းစာစိတ်မထားတတ်ရင် ပရဟိတသမားတစ်ယောက်မဖြစ်ဘူးလို့ ဦးကျော်သူက ပြောပါတယ်။ သူကိုယ်တိုင်ကလည်း လက်ရှိမှာ နာရေးကူညီမှုအသင်းကြီးရဲ့ ပဲ့ကိုင်ရှင် တစ်ဦးပါ။

ပရဟိတမင်းသားကြီး တစ်ဦးလို့တောင် ပရိသတ်တွေ သတ်မှတ်ထားတဲ့ ဦးကျော်သူက ပရဟိတ လုပ်တယ်ဆိုတာ လူတိုင်းလုပ်လို့ရတာ မဟုတ်တဲ့အကြောင်းပြောလာပါတယ်။ ဒီလို အလုပ်မျိုးဟာ စိတ်နေစိတ်ထား ဖြူစင်မှသာ လုပ်လို့ရနိုင်တယ်လို့ ဆိုပါတယ်။

‘’ပရဟိတဆိုတဲ့ ပေးဆပ်မှုအလုပ်အပေါ်ဘယ်လောက်ပဲတော်တော်၊ဘယ်လောက်ပဲတတ်တတ် ကိုယ်ချင်းစာနာစိတ်ကင်းမဲ့စွာဖြင့် အများသူတကာနားနေတဲ့ အဆောင်လေးထဲမှာ မူးရူးပြီး အပေါ့သွား၊အလေးစွန့်၊နယ်မြေကျူးပြီးဝင်ရောက်အိပ်၊ဆဲဆိုတိုင်းတာမှု တွေလုပ်တတ်တဲ့သူတွေကို ပရဟိတသမားလို့ခေါ်ဆိုလို့ရသလား? ကျွန်တော်သိတဲ့ ပရဟိတအလုပ်ဆိုတာ အင်မတန်သန့်ရှင်းဖြူစင်သီလလုံခြုံစွာဖြင့် ကိုယ်ချင်းစာနာစိတ်ထားပြီး ကူညီဖေးမလုပ်ပေးရတဲ့ ဘုရားသခင်တွေလုပ်ခဲ့တဲ့အလုပ်ဗျ။ (ကျော်သူ)’’ ဆိုပြီးတော့ ဇူလိုင်လ ၁၃ ရက်နေ့ ည ၁၁ နာရီကျော်က သူ့ရဲ့ ဖေ့စ်ဘွတ်အကောင့်မှာ ရေးသားထားပါတယ်။

ဦးကျော်သူက လက်ရှိမှာ ကိုယ်ပိုင်ရုပ်ရှင်ထုတ်လုပ်ရေးဖြစ်တဲ့ ဝရဇိန် ရုပ်ရှင်ထုတ်လုပ်ရေးနဲ့ အတူ ရုပ်ရှင်ဇာတ်ကားတွေ ရိုက်ကူးနေတာ တွေ့ရပါတယ်။ သူဟာ အနုပညာအလုပ်တွေလည်း ဆောင်ရွက်နေတာဖြစ်သလို နာရေးကူညီမှုအသင်းကြီးကိုလည်း ဦးဆောင်စီမံနေသူ ဖြစ်ပါတယ်။ ဒီအသင်းကနေ အလှူအတန်းတွေ၊ ပရဟိတလုပ်ငန်းတွေ လုပ်ဆောင်နေတာကို တွေ့ရပါတယ်။

ကျော်သူဟာ ၁၉၉၄ခုနှစ်တွင် အကောင်း ဆုံးအမျိုးသားဇာတ်ဆောင်ဆုကို “တပြည်သူမရွှေထား” ရုပ်ရှင်ဇာတ်ကားနဲ့ ရရှိခဲ့ပြီး ၂၀၀၃ခုနှစ် မှာတော့ အကောင်းဆုံးဒါရိုက်တာဆုကို အမေ့နို့ဖိုး ရုပ်ရှင်ဇာတ်ကားနဲ့ ရရှိထားသူ ဖြစ်ပါတယ်။ အဲဒီနောက်မှာတော့ ၂၀၁၈ ခုနှစ်အတွက် Star Awards ဆုချီးမြှင့်ပွဲမှာ ‘’ပုဂံမြို့သူ’’ ရုပ်သံဇာတ်လမ်းတွဲနဲ့ အကောင်းဆုံး ဇာတ်လမ်းတွဲ ဒါရိုက်တာဆုကို ရရှိပိုင်ဆိုင်ခဲ့ပါတယ်။ Source – CeleYatkwat