ကိုဗစ်ကာလအတွင်းမှာ ကျန်ရှိနေတဲ့ အလှူငွေ လက်ကျန်တွေကို ကျေးလက်ဆေးပေးခန်း ဆောက်လုပ်ဖို့ အတွက် လှူဒါန်းခဲ့တာ ဖြစ်ပါတယ်။အဆိုတော် လင်းလင်းနဲ့ချစ်သုဝေတို့ဇနီးမောင်နှံဟာ ဧရာဝတီတိုင်း၊ သဲကုန်းအုပ်စု၊ အုန်းချောင်းကျေးရွာမှာကျေးလက်ဆေးပေးခန်း ဆောက်လုပ်ဖို့အတွက် ငွေကျပ် သိန်း (၂၀၀) တိတိအား ပုသိမ်ဆေးရုံအုပ်ကြီးအား လှူဒါန်းခဲ့တယ်လို့ သိရပါတယ်။
“ခေတ်သစ် ဖောင်ဒေးရှင်းးအနေနဲ့ COVID 19ကာလအတွင်းကျန်ရှိသောအလူငွေလက်ကျန်အား ဧရာဝတီတိုင်း သဲကုန်းအုပ်စု အုန်းချောင်းကျေးရွာတွင် ကျေးလက်ဆေးပေးခန်း ဆောက်လုပ်ရန် ပုသိမ်ဆေးရုံအုပ်ကြီး ဆရာDr. သန်းမင်းထွဋ် အား ငွေကျပ်သိန်း၂၀၀ ပေးအပ်လှူဒါန်းပါသည်ရှင့်” ဆိုပြီး ဇူလိုင် (၁၁) ရက်နေ့က ချစ်သုဝေရဲ့ လူမှုကွန်ယက် ဖေ့စ်ဘွတ်စာမျက်နှာပေါ်မှာ ရေးသားထားတာဖြစ်ပါတယ်။
ဧရာဝတီတိုင်း၊ သဲကုန်းအုပ်စု ကျေးရွာ(၇)ရွာမှာ သားဖွားခန်းတွေ လိုအပ်သလို ကျေးရွာတွေအတွက် လိုအပ်တဲ့ လုပ်ငန်းဆောင်တာများကို ဆောင်ရွက်နိုင်ဖို့အတွက် လှူဒါန်းခဲ့တာ ဖြစ်ပြီး အလှူရှင်တွေ ဝမ်းမြောက်နိုင်ဖို့ ယခုလို ဖော်ပြပေးလိုက်တာ ဖြစ်တယ်လို့ ဆိုပါတယ်။
“ကုန်းလမ်းရေလမ်းဖြင့်သွားရသည့် ဧရာဝတီတိုင်း သဲကုန်းအုပ်စု ကျေးရွာ ၇ရွာအတွက် သားဖွားခန်းအပါကျေးလက်ဆေးခန်းလေး မှာအလွန်လိုအပ်လှသည့်ကျန်းမာရေးလိုအပ်ချက်ဖြစ်ပြီး တာဝန်ကျဆရာမလေးများ၏ လုပ်ငန်းခွင်လုံခြုံမှု, ကာကွယ်ဆေးထိုးခြင်း, သားဖွားခြင်း, ကျန်းမာရေးစောင့်ရှောက်မှူများပြုလုပ်နိုင်ခြင်း, ကျန်းမာရေးအသိပညာပေးဟောပြောပွဲများပြုလုပ်နိုင်ခြင်း အစရှိသည်များကို ဆောင်ရွက်နိုင်မည်ဖြစ်သည့်အတွက် အလှူရှင်များအားလုံးစိတ်နှလုံးဝမ်းမြောက် ပီတိဖြစ်ရန်တင်ပြအပ်ပါသည်ရှင့်” ဆိုပြီး ဆက်လက်ပြောပြထားတာတွေ့ရပါတယ်။
လင်းလင်းနဲ့ ချစ်သုဝေတို့ ဇနီးမောင်နှံဟာ ခေတ်သစ်ဖောင်ဒေးရှင်းနဲ့ ကိုဗစ်ကာလမှ အလှူအတန်းတွေ အဆက်မပြတ်ဆောင်ရွက်နေတာတွေ့ရပါတယ်။ COVID-19 ကာကွယ်ရေး ဆေးပစ္စည်းတွေ လိုအပ်မှုရှိနေတဲ့ ဆေးရုံကြီးတွေ၊ စားနပ်ရိက္ခာ အခက်အခဲကြုံတွေ့နေရတဲ့ နေရာ ဒေသတွေကို ကိုယ်တိုင်သွားရောက်ပြီး အလှူအတန်းတွေ လုပ်နေတဲ့ ဇနီးမောင်နှံလည်းဖြစ်ပါတယ်။
အဆိုတော်လင်းလင်းနဲ့ ချစ်သုဝေတို့ဟာ အမြွှာသမီးလေးတွေဖြစ်တဲ့ မေမြန်မာသစ်နဲ့ မေမြန်မာခေတ်တို့ကို ပိုင်ဆိုင်ထားသူတွေပါ။ သမီးလေး နှစ်ယောက်နာမည်နဲ့ ” ခေတ်သစ်ဖောင်ဒေးရှင်း” ကိုလည်း ထူထောင်ထားကာ မွေးရာပါ နှလုံးရောဂါပါရှိတဲ့ ကလေးငယ်တွေကို အဓိကထား ခွဲစိတ်ကုသစာရိတ်ထောက်ပံ့ပေးနေသလို ကလေးတွေရဲ့ ပညာရေးအတွက်ပါ ဆောင်ရွက်ပေးနေတာ တွေ့ရပါတယ်၊
