ဇာတ်သဘင်အဖွဲ့သားတွေကို သီတင်းကျွတ်မုန့်ဖိုးဝေခဲ့တဲ့ ဖိုးချစ်

အနုပညာ

အခုဆိုရင် သီတင်းကျွတ်ရာသီအခါသမယကို ရောက်ရှိလာပါပြီနော်။ မြန်မာတို့ရဲ့ ဓလေ့ထုံးစံအတိုင်း အသက်အရွယ်ကြီးရင့်တဲ့သူတွေကို အသက်ငယ်သူတွေက သီတင်းကျွတ်အခါသမယမှာ သွားရောက်ကန်တော့ကြတဲ့အခါ ကန်တော့ခံရတဲ့သူတွေက မုန့်ဖိုးပြန်ပေးလေ့ အလေ့အထလေးကတော့ တခြားသော နိုင်ငံရပ်ခြားတွေမှာ မတွေ့ရတဲ့ ယဉ်ကျေးမှုအလေ့အထလေးပါပဲနော်။အလုပ်အကိုင်ဋ္ဌာနတွေမှာဖြစ်ဖြစ် ကိုယ်ပိုင်လုပ်ငန်းတွေမှာ ဖြစ်ဖြစ် လက်အောက်ငယ်သားတွေကို သီတင်းကျွတ်အခါသမယမှာ မုန့်ဖိုးပေးတဲ့ အလေးအထလေးတွေလည်း ပြုလုပ်လေ့ရှိပါသေးတယ်။

လက်ရှိမှာတော့ ဇာတ်မင်းသား ဖိုးချစ်ဟာလည်း သီတင်းကျွတ်လရဲ့ အစမှာ သူ့ရဲ့ ဇာတ်သဘင်အဖွဲ့သားတွေကို သီတင်းကျွတ် မုန့်ဖိုးဝေပေးခဲ့တာပါ။ဇာတ်သဘင်အဖွဲ့သားတစ်ယောက်မကျန်အပြင် ကလေးတွေကိုပါ မုန်ဖြိုးတွေပေးခဲ့နေတဲ့ ဗီဒီယိုဖိုင်လေးကို ပရိသတ်တွေအတွက် ဝေမျှပေးလိုက်ပါတယ်နော်။ မုန့်ဖိုးတွေဝေရုံတင်မကဘဲ ဇာတ်သဘင်အဖွဲ့သားတွေကို ရင်းနှီးဖော်ရွေစွာ ဆက်ဆံတဲ့ ဖိုးချစ်ရဲ့အကြီးအကဲ တစ်ယောက်ရဲ့ စိတ်ထားလေးကို ဗီဒီယိုကိုကြည့်ပြီးတဲ့သူတိုင်း ခံစားမိစေမှာပါ။

ဖိုးချစ်ကတော့ သဘင်ဥက္ကဋ္ဌတစ်ယောက်ဖြစ်တဲ့အပြင် အလှူအတန်းတွေဆိုလည်း လက်မနှေးတဲ့ ဇာတ်သဘင်မင်းသားတစ်လက်ပါ။ အနယ်နယ်အရပ်ရပ်က ပရိသတ်တွေက ဖိုးချစ်ဇာတ်ပွဲဆို အထူးနှစ်ခြိုက်အားပေးလေ့ရှိတယ်လို့ဆိုရမှာပါ။ ဖိုးချစ်ရဲ့အချစ်ရေးကတော့ မေလ (၁)ရက်နေ့မှာ စေ့စပ်ကြောင်းလမ်းပြီးတဲ့ သူတစ်ယောက်ပါ။ ပရိသတ်ကြီးလည်း ဖိုးချစ်ရဲ့ သီတင်းကျွတ်မုန့်ဖိုးဝေနေတဲ့ ဗီဒီယိုဖိုင်လေးကိုကြည့်ပြီး သီတင်းကာလမှာ လူကြီးမိဘ ၊ဘိုးဘွားတွေဆီက မုန့်ဖိုးတောင်းဖို့ စိတ်ကူးမိနေကြပြီးလားဆိုတာ မှတ်ချက်ပေးခဲ့ပါဦးနော်။

Source : မြို့ရွှေမန်းသား ဖိုးချစ်တို့ကတဲ့ ဇာတ်အလှသဘင်