Troller တွေရဲ့ စိန်ခေါ်တာခံလိုက်ရတဲ့ စိုင်းစိုင်း

အနုပညာ

စိုင်းစိုင်းခမ်းလှိုင်ကတော့ အနုပညာရှင်တစ်ယောက်အနေနဲ့ထိပ်တန်းအောင်မြင်မှုတွေရယူထားနိုင်သူတစ်ယောက်ပါ။ဒါကြောင့်လည်းမြန်မာနိုင်ငံမှာ စိုင်းစိုင်းဆိုတာနဲ့လူတိုင်းလိုလိုသိတဲ့အထိကို အောင်မြင်မှုကြီးမားသူတစ်ယောက်ပါ။အနုပညာအလုပ်တွေအပြင် စီးပွားရေးလုပ်ငန်းရှင်တစ်ယောက်အနေနဲ့ရပ်တည်လာတဲ့ ဘက်စုံထူးချွန်သူကြီးစိုင်းစိုင်းကိုတော့ Troller တွေက Troll ကြတာကတော့မဆန်းဘူးလို့ဆိုရမှာပါ။


Troller တွေလက်ထဲမှာတော့ စိုင်းစိုင်းတစ်ယောက်က အမျိုးစုံကို Troll ခံနေရတာပါ။ဒါ့အပြင်အသက်ကြီးလာပြီဖြစ်တဲ့စိုင်းစိုင်းကို အဘိုးအဘွားအရွယ်ရောက်နေပါပြီဆိုပြီး ဘစိုင်းလို့လည်း စနောက်ပြီးခေါ်တဲ့သူတွေရှိပါသေးတယ်။မြန်မာနိုင်ငံရဲ့ Troll ခံရဆုံးအနုပညာရှင်တစ်ယောက်လို့တောင်ပြောလို့ရတဲ့စိုင်းစိုင်းကတော့ ဒီလိုကိစ္စတွေနဲ့ပတ်သက်ပြီးသိပ်ပြီးတော့စိတ်အနှောက်အယှက်မဖြစ်တဲ့ပုံပါပဲ။တစ်ခါတစ်လေမှာဆိုရင် Troll ခံထားရတဲ့ပုံလေးတွေကို သူ့ရဲ့ဖေ့ဘွတ်ခ်မှာတင်ပြီးတော့ ဟာသလုပ်လိုက်တာမျိုးတောင်ရှိပါတယ်။

အခုဆိုရင်အကြံညဏ်ကြီးတဲ့ Troller များက စိုင်းစိုင်းကိုစိတ်ဆိုးအောင်လုပ်ဖို့ကြံနေကြပြန်ပါပြီ။စိုင်းစိုင်းကိုဆဲတဲ့အထိစိတ်ဆိုးအောင်လုပ်နိုင်ရင် ဆုငွေ(၃၀၀၀၀)ပေးမယ်ဆိုပြီး ပြောနေကြတာဖြစ်ပါတယ်။ဘယ်သူတွေဘာပြောပြောတည်ငြိမ်သူကြီးစိုင်းစိုင်းကိုတော့ စိတ်ဆိုးအောင်လုပ်နိုင်တဲ့သူ တကယ်ပဲပေါ်လာမလားနော်။