လူဦးရေ(၁၂၇၀) အတွက် ကျိုက်ငါးကျိုက်အဓိဌာန်ဝင်နိုင်ဖို့ စီစဉ်ပေးသွားမယ့် စမိုင်းလ်

အနုပညာ

ရုပ်ရှင်သရုပ်ဆောင်စမိုင်းလ်ကတော့ လက်ရှိအချိန်မှာမိန်းကလေးတိုင်းအားကျနေရသူတစ်ယောက်ပါ။ ခင်ပွန်းဖြစ်သူရဲ့လိုလေသေးမရှိဖြည့်ဆည်းပံ့ပိုးခြင်းကို ရရှိထားတဲ့အပြင် အလှူအတန်းဆိုလက်မနှေးလှူဒါန်းတတ်သူတစ်ယောက်ပါ။ တနေ့တခြားအလှတိုးလာတဲ့အပြင် လိမ္မာရေးခြားရှိတဲ့သမီးလေးနှစ်ယောက်ကိုလည်း ပိုင်ဆိုင်ထားသူပါ။

ဒါ့အပြင် အနုပညာအလုပ်တွေဆက်မလုပ်ဖြစ်ပေမယ့် အားပေးသူအမာခံပရိသတ်ပေါင်းများစွာရှိတဲ့စမိုင်းလ်ဟာ မကြာသေးခင်ကမှ Fan Meeting ပြုလုပ်ခဲ့ပြီး ပရိသတ်တွေနဲ့တွေ့ဆုံခဲ့ပါသေးတယ်။ သူ့ကိုချစ်တဲ့သူတွေစုစည်းထားတဲ့ Smiley အဖွဲ့လေးလည်းရှိပြီး အဖွဲ့ဝင်တွေနဲ့ ဘာသာရေး၊ အလှအပကျန်းမာရေးတွေကိုမျှဝေပေးနိုင်ဖို့ကြိုးစားနေသူပါ။ စမိုင်းလ်ကတော့ အဓိဌာန်မကြာခဏဆိုသလိုပြုလုပ်လေ့ရှိပြီး သူကိုးကိုယ်ယုံကြည်တဲ့သစ်တံခါးဆရာတော်ကြီးရဲ့အဆုံးအမအရ ကျိုက်ငါးကျိုက်အဓိဌာန်လေးကို သူ့ရဲ့ချစ်ရတဲ့ပရိသတ်တွေနဲ့အတူတူ ကုသိုလ်ရေးလုပ်နိုင်ဖို့စီစဉ်ထားခဲ့တာပါ။ လိုက်ပါကုသိုလ်ရေးပြုလုပ်မယ့် လူဦးရေက မထင်မှတ်ထားအောင်များပြားခဲ့တာမို့ စမိုင်းလ်ကတော့ ကားအခက်အခဲကြောင့် လူဦးရေ(၁၂၇၀)မှာ စာရင်းပိတ်လိုက်ကြောင်း ရေးသားခဲ့ပါတယ်။

လူဦးရေ (၁၂၇၀)ယောက်အတွက် ကားအစီးရေ(၂၄)စီးနဲ့သွားမှာဖြစ်ပြီး စမိုင်းလ်ကအကုန်အကျခံကာစီစဉ်ပေးသွားမှာပါ။ ဒါပေမယ့် စမိုင်းလ်ကတော့ တခြားလိုက်ပါဆောင်ရွက်ချင်သူတွေရှိသေးတာကြောင့် မလိုက်ဖြစ်သူများကိုကြိုတင်အကြောင်းပေးပါရန် တောင်းဆိုထားပါသေးတယ်။ ပရိသတ်ကြီးရေ စမိုင်းလ်ကတော့ ကုသိုလ်ထူးရအောင် တစ်ပါးသူကိုလည်းကူညီဖို့ လက်မနှေးတတ်တာကြောင့်လည်း ပရိသတ်ရဲ့ရင်ထဲမှာ အခိုင်အမာအမြစ်တွယ်နေရာယူနိုင်ခဲ့တာဆိုရင်လည်း မှားမယ်မထင်ပါဘူးနော်။