ဗေလုဝ ကျန်းမာရေးမကောင်းတဲ့အချိန် သူ့နာမည်တစ်ခုပဲ မှတ်မိနေတဲ့အတွက် စဉ်းစားလို့တောင် မရဘူးဆိုတဲ့ နေတိုး

အနုပညာ

နေတိုးဟာ ဗေလုဝတစ်ယောက် ကျန်းမာရေးမကောင်းတဲ့အချိန်မှာ သူ့ရဲ့ နာမည်ကို မှတ်မိနေတဲ့ အကြောင်းကို စဉ်းစားလို့တောင် မရတော့ပါဘူးတဲ့။ အလုပ်အတူတူတွဲလုပ်ခဲ့ဖူးသလို သရုပ်ဆောင်ပညာတွေလည်း သင်ပေးခဲ့ဖူးသူတစ်ယောက်ပဲလို့ ဆိုပါတယ်။

Image may contain: 1 person, smiling

နေတိုး ဇာတ်ပို့သရုပ်ဆောင် ဗေလုဝရဲ့ ကျန်းမာရေး အခြေအနေကို သတင်းကြားပြီးကတည်းက စိတ်မကောင်းဖြစ်နေတယ်လို့ ဆိုပါတယ်။ ဦးဗေတစ်ယောက် နေတိုးရဲ့ နာမည်ကိုပဲ မှတ်မိနေတယ်ဆိုတာ တကယ်ကို အံ့သြမိတယ်လို့ အင်တာဗျူးတွေမှာလည်း ဖြေဆိုခဲ့ပါတယ်။

“ဦးဗေ ကျန်းမာရေးမကောင်းဖြစ်နေတဲ့အချိန်မှာ စိတ်မကောင်းလည်းဖြစ်မိတယ်။ ဦးဗေ အမြန်ဆုံးသက်သာပြီးတော့ ခံစားနေရတဲ့ ရောဂါဝေဒနာတွေကနေ အမြန်ဆုံးလွတ်မြောက်နိုင်ပါစေလို့ ဆုတောင်းပေးချင်ပါတယ်။ သူ့စိတ်ထဲမှာ ကိုယ့်နာမည်တစ်ခုပဲ မှတ်မိနေတယ်ဆိုတော့ စိတ်မကောင်းတော့ ဖြစ်မိတယ်။ စဉ်းစားလို့တောင် မရဘူးဖြစ်မိပါတယ်” လို့ သူကဆိုပါတယ်။

Image may contain: 1 person, sunglasses, outdoor and nature

နေတိုးဟာ အနုပညာအလုပ်တွေ စလုပ်ကတည်းက ဗေလုဝနဲ့ ဇာတ်ကားတွေ ရိုက်ခဲ့တာဖြစ်တယ်လို့ သိရပါတယ်။ ဒါကြောင့်လည်း ဗေလုဝနဲ့ သူ့ရဲ့ ဆက်ဆံရေးက ပိုရင်းနှီးတယ်လို့ ဇန်နဝါရီလ ၁၈ ရက်နေ့က XIMI ဆိုင်သစ်ဖွင့်ပွဲကို တက်ရောက်ရင်း ဖြေဆိုခဲ့တာပါ။

“ ဦးဗေ နဲ့ ကျွန်တော်လည်းရင်းနှီးပါတယ်။ အနုပညာအလုပ်တွေကို စတင်ဖြတ်သန်းလာတုန်းက ကျွန်တော်တို့ကို ပညာတွေလည်း အများကြီး သင်ကြားပေးခဲ့ဖူးတယ်။ ရုပ်ရှင်ဇာတ်ကားတွေ အများကြီး တွဲရိုက်ဖူးခဲ့တဲ့ သရုပ်ဆောင်ကြီးတစ်ဦးလည်းဖြစ်ပါတယ်။ ဦးဗေနဲ့ ကျွန်တော်ကလည်း ဆွေမျိုးတွေလိုပဲ ခင်မင်မှု ရှိပါတယ်” လို့ ဆက်လက် ပြောပြခဲ့ပါတယ်။

Image may contain: 1 person, sitting

သရုပ်ဆောင် ဗေလုဝဟာ ဦးနှောက်သွေးကြောပိတ်ရောဂါကြောင့် ပင်လုံဆေးရုံမှာ ဆေးကုသမှုခံယူနေရတာ ဖြစ်ပါတယ်။ ဗေလုဝရဲ့ ကျန်းမာရေးအခြေအနေအတွက် အနုပညာညီအစ်ကိုမောင်နှမတွေ၊ လုပ်ဖော်ကိုင်ဖက်တွေကလည်း စိုးရိမ်ပူပန်လို့နေကြပါတယ်။ သူဟာ ဇန်နဝါရီလ ၁၀ ရက်နေ့က စပြီး ဆေးကုသမှု ခံယူခဲ့ရတာပါ။ ကျန်းမာရေးအခြေအနေအရ ဆေးကုသမှုအတွက် ၃ လ အချိန်ပေးရမယ်လို့ ဗေလုဝရဲ့ သူငယ်ချင်းဖြစ်သူက အင်တာဗျူးမှာ ဖြေဆိုခဲ့ဖူးပါတယ်။

Image may contain: 3 people, people standing

နေတိုးရဲ့ အနုပညာသက်တမ်းကတော့ နှစ်ပေါင်း ၂၀ ကျော်လာပြီဖြစ်ပါတယ်။ သူဟာ ဘက်စုံထူးချွန်တဲ့ အနုပညရှင်တစ်ယောက်ဆိုရင်လည်း မမှားပါဘူး။ Music Video တွေမှာ သရုပ်ဆောင်လာရင်းကနေ ဗီဒီယိုဇာတ်ကား၊ ရုပ်ရှင်ဇာတ်ကားကြီးတွေနဲ့ TV ကြော်ငြာများစွာကိုလည်း ရိုက်ကူးခဲ့သူ တစ်ယောက်ပါ။ အခုချိန်မှာတော့ နေတိုးက အကယ်ဒမီ ဆုတွေကို ပိုင်ဆိုင်ထားနေပြီဖြစ်ပါတယ်။ ဒီဆုတွေကတော့ မိုးညအိမ်မက်မြူ (၂၀၀၉)၊ နက္ခတ်မှားတဲ့တိုက်ပွဲ (၂၀၁၅)၊ တာတေကြီး (၂၀၁၇) စတဲ့ ရုပ်ရှင်ဇာတ်ကား(၃) ကားမှာ အကောင်းဆုံး အမျိုးသားဇာတ်ဆောင်ဆုတွေကို ရရှိထားပါတယ်။ ၂၀၁၉ ခုနှစ်မှာတော့ Cult Critic Movie Award နိုင်ငံတကာရုပ်ရှင်ပွဲတော်က ချီးမြှင့်တဲ့ The Best Actor ဆုကိုလည်း ရရှိပိုင်ဆိုင်ထားသူဖြစ်ပါတယ်။

Image may contain: 1 person, sitting, table and indoor

ဆယ်လီရပ်ကွက်