“လူ” ဆိုတာ တဏှာတစ်ခုတည်းအတွက် ရှင်သန်နေတာ မဟုတ်ဘူးဆိုတဲ့ ဘီလီလမင်းအေး

အနုပညာ

Myanmar Idol Season (2) ရဲ့ Top (3) ပြိုင်ပွဲဝင် ဘီလီလမင်းအေးဟာ Winner ဆုကြီးနဲ့ လွဲချော်ခဲ့ရပေမယ့် ဂီတလောကမှာတော့ နေရာတစ်နေရာ ရရှိထားနိုင်ပါပြီ။ အရွယ်နဲ့မလိုက်အောင်ကို ရင့်ကျက်လွန်းတဲ့ ဘီလီလမင်းအေးဟာ ဒီတစ်ခေါက်မှာတော့ အမျိုးသမီးတစ်ယောက်ရဲ့ ဘဝရပ်တည်ချက်အကြောင်းကို အခုလိုပဲ ပြောပြထားပါတယ်


“အမျိုးသမီးတစ်ယောက်ဟာ – ထမင်းဟင်းချက်တတ်ရမယ်။ ဒါဟာ အမျိုးသမီးဖြစ်လို့ မဟုတ်ဘူး။ ယောကျာ်းနဲ့ ကလေးတွေကို ချက်ကျွေးဖို့ မဟုတ်ဘူး။ လူတစ်ယောက်အနေနဲ့ လောကမှာ အသက်ရှင်နေထိုင်နိုင်ဖို့ တစ်ယောက်တည်းနေလည်း လုပ်ကိုလုပ်တတ်ရမယ့် အရာမို့ ။”

“- ကိုယ့်ကိုကိုယ်တန်ဖိုးထားတတ်ရမယ်။ ဒါဟာ အမျိုးသမီးတစ်ယောက်ဖြစ်နေလို့ မဟုတ်ဘူး။ လင်ကောင်းသားကောင်းရဖို့ မဟုတ်ဘူး။ ကိုယ့်ဘဝ၊ ကိုယ့်ခံယူချက်နဲ့ ကိုယ် ယုံကြည်ချက်ရှိရှိနဲ့ ဂုဏ်ယူစွာ ရပ်တည်နိုင်ဖို့ ။”


“- အသက်မွေးဝမ်းကြောင်း ပညာတစ်ခုခုတတ်ကို တတ်ထားရမယ်။ ဒါဟာ အမျိုးသမီးတစ်ယောက် ဖြစ်နေလို့ မဟုတ်ဘူး။ လင်ယောကျာ်းကို ရှာကျွေးဖို့ မဟုတ်ဘူး။ မည်သူတစ်ဦးတစ်ယောက်ကိုမှ ဘဝတစ်ခုလုံးပုံအပ်ပြီး လောကအလယ်မှာ အားငယ်စွာ မနေထိုင်ရဖို့ ။”


“- ဘာသာရေးက်ိုင်းရှိုင်းရမယ်။ ဒါဟာ အမျိုးသမီးတစ်ယောက်ဖြစ်နေလို့ မဟုတ်ဘူး။ အိပ်ရာဝင်ခါနီးတိုင်း ယောကျာ်းကို ရှိခိုးဖို့ မဟုတ်ဘူး။ ဘဝမှာ ဘာအခက်အခဲပဲ ကြုံလာပါစေ၊ ဘာသာရေး အဆုံးအမကတစ်ဆင့် စိတ်ကို အများကြီး တည်ငြိမ်အေးချမ်းစေနိုင်ဖို့ ။”


“- အိမ်မှုကိစ္စကောင်းမွန်စွာ စီစဉ် ကိုင်တွယ်နိုင်ရမယ်။ ဒါဟာ အမျိုးသမီး တစ်ယောက်ဖြစ်နေလို့ မဟုတ်ဘူး။ ယောက္ခမနဲ့ ယောကျာ်း ခိုင်းတာလုပ်နိုင်ဖို့ မဟုတ်ဘူး။ က်ိုယ်နေထိုင်တဲ့ အိမ်ကိုတောင် အစီအစဉ်တကျ သန့် ရှင်းသပ်ရပ်စွာ မထားနိုင်ပဲနဲ့  မိမိပတ်ဝန်းကျင်၊ မိမိအလုပ်၊ မိမိ လူမျိုး တိုးတက်ပြောင်းလဲဖို့ ကောင်းစွာ အစီအစဉ်တကျ လုပ်နိုင်စွမ်းရှိမှာ မဟုတ်လို့ ။”

“- လှပစွာ ပြင်ဆင်ဝတ်စားတတ်ရမယ်။ ဒါဟာ အမျိုးသမီး တစ်ယောက်ဖြစ်နေလို့ မဟုတ်ဘူး။ ယောကျာ်းတွေ ကြိုက်ဖို့ ၊ ကြည့်ဖို့ မဟုတ်ဘူး။ ကိုယ်ဟာ လှပစွာ တည်ရှိနေတယ်ဆိုတဲ့ စိတ်ဟာ က်ိုယ့်ကို ယုံကြည်ချက်အများကြီး ပေးနိုင်လို့ ။”


“- မနက်စောစောထရမယ်။ ဒါဟာ အမျိုးသမီး တစ်ယောက်ဖြစ်နေလို့ မဟုတ်ဘူး။ ယောကျာ်းနိုးလာရင် အားလုံးပြင်ဆင်ပေးပြီးသား ဖြစ်နေဖို့ မဟုတ်ဘူး။ ကိုယ့်ရည်မှန်းချက်တွေစီ မြန်မြန်ရောက်နိုင်အောင်၊ အလုပ်တွေပိုမိုပြီးမြောက်အောင်၊ ရထားတဲ့ အချိန်ကလေးကို လုံလောက်စွာအသုံးချနိုင်ဖို့ ။”

“- အလှူအဒါန်းရက်ရောရမယ်။ ဒါဟာ အမျိုးသမီးတစ်ယောက်ဖြစ်နေလို့ မဟုတ်ဘူး။ ယောကျာ်းလှူသမျှက်ို ပါရမီလ်ိုက်ဖြည့်နေဖို့ မဟုတ်ဘူး။ ဘာကိုမှ မျှော်လင့်ခြင်းမရှိပဲ လွတ်လပ်စွာ လှူဒါန်းရခြင်းဟာ ကြီးမားတဲ့ မွန်မြတ်ခြင်းတစ်ခုဖြစ်နေလို့ ……”


“ဒါတွေ အားလုံးက်ို ယောကျာ်းတစ်ယောက်ကလည်း ကောင်းမွန်စွာ တတ်မြောက်ထားရပါမယ်။ ယောကျာ်း/မိန်းမ မို့ မဟုတ်ဘူး။ လူ တစ်ယောက်ဖြစ်နေလို့ ။ ကျမတို့ နေ့ စဉ်လုပ်နေတဲ့ အရာတွေက အကြောင်းအရာခြင်း တူရင်တောင် ရည်ရွယ်ချက်နဲ့ ခံယူချက် မတူရင် ဘဝတန်ဖိုးကတည်း တူမှာ မဟုတ်ဘူး….”

“တစ်ဖက်စောင်းနင်းတဲ့ အတွေးအခေါ်မျိုးက လူ့ ပတ်ဝန်းကျင်ကို အကျိုးမပြုစေဘူး။ ကိုယ့်ကိုလောင်မြိုက်နေတဲ့အရာတစ်ခုကို သူများလည်း လောင်မြိုက်ပါစေဆိုပြီး ဖြန့် ဝေနေခြင်းက ကြီးစွာသော အကုသိုလ်ဖြစ်စေပါတယ်။ “လူ” ဆိုတာ တဏှာတစ်ခုတည်းအတွက် ရှင်သန်နေတာ မဟုတ်ဘူး။ ကိုယ်ရှင်သန်နေတဲ့ ဘဝရဲ့ တန်ဖိုးနဲ့ ရပ်တည်ချက်တွေက်ို ကောင်းကောင်းနားလည်စေချင်မိတယ်…” ဆိုပြီး ပြောလာတာ ဖြစ်ပါတယ်။